الرئيسيةس .و .جبحـثالتسجيلالأعضاءالمجموعاتدخول

شاطر | 
 

 الحب على النت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد شعبان
Admin
avatar

المساهمات : 39
تاريخ التسجيل : 30/11/2007
العمر : 23

مُساهمةموضوع: الحب على النت   الإثنين ديسمبر 03, 2007 1:35 pm

اتنين على النت
عايز تعرف مالهم

تعالى وشوفهم


الجزء الأول

هي: حبيبي انت جيت.. ؟
هو: ايوة يا حبيبتى امال خيالي.. انتي مش شايفة اسمى اون لاين ؟ يبقى انا جيت.. ده سؤال يا سوسو ؟
هي: آسفة يا حبيبي.. اصل فرحتي بظهورك طيرت عقلي.. ها.. قوللي بقى.. عملت ايه امبارح لما خرجت انا اوف لاين ؟
هو: معملتش حاجة ابداً.. قعدت فى رووم اسمع اغاني
هي: آه , واظن الست دلوعة كانت موجودة
هو: وحياتك كانت موجودة بس عملتلها بلوك
هي: ممممم.. يعنى مكلمتهاش؟
لا
هي: ولا حتى هاي؟
هو: لا.. هيّ سلمت عليا فى الرووم قبل ما اعمللها بلوك و انا قلتلها هاى
هي: اها.. طب كويس..يا ريت تعمللها ديليت خالص من الليست
هو: عينيّا ياحبيبتي انتي تؤمريني بس
*********
الجزء التاني


هو: أخيرا يا حبيبتي اتجوزنا و اتقفلت علينا رووم واحدة
هي: ايوة يا حبيبي أخيرا.. بس مال الصوت بيقطع هنا ليه ؟
هو: ياستي واحنا هانعوز الصوت فى ايه؟.. اعملي ميوت
هي: ههههههههه.. على رأيك
هو: باقوللك ايه ؟
هي: ها
هو: عملتي باس وورد للروم , احسن نلاقي الناس جاية
هي: اطّمن.. عملت باس وورد طبعا و لا يهمك.. بعدين انت بقيت أدمن البيت.. يعني اى حد مش على مزاجك.. باند على طول
*********
يوم الطلاق

هو: انتي يا ولية
هي: ولية؟؟..أنا ولية؟؟.. انت ناسي أد ايه حفيت عليا فى الروومات والماسينجرات؟ ان كنت ناسي افكرك
هو: كان يوم اسود ياختى يوم ما عملتلك آد.. يا ريتنى كنت اوفلاين ولاّ ديس كونيكت مكنتش شفت خلقتك
هي: نعم نعم.. مالها خلقتي.. مش كنت بتموت عشان تشوفني على الكام..وكل شوية تقوللى فين كامك؟
هو: كنت أعمى و أضبش و أطرش.. ارتحتي
هي: ياخاين ياغدّار.. يخونك اللي بيننا؟..ده احنا بيننا روومات وهيء وميء ودوت وكوم.. يخونك الإنفيتات اللي كنت بابعتهالك عشان تبقى جنبي في الروومات؟..خلاص نسيت الإيميلات والسهرات.. انت أكيد فى مخك فيروس عاوزلك فورمات.. بقى يرضيكم ياهووووووووو.. ياخدني أون لاين..ويرمينى أوف لاين..منك لله..من النهاردة انت إنفيزيبل في حياتي
هو: وانتي ريموف بالتلاتة
_اخوكم ( محمد شعبان
(
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mine.ahlamontada.com
 
الحب على النت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جديداوى اون لاين :: المنتديات العامه :: المنتديات الترفيهيه :: منتدى الالغاز والذكاء والضحك-
انتقل الى: